Марына Віктараўна Ягела – майстар філіяла “Раённы цэнтр рамёстваў і традыцыйнай культуры” ДУК “Ашмянскі раённы цэнтр культуры”, адраджае традыцыйнае беларускае мастацтва, ствараючы ўнікальныя ходнікі на кроснах з астаткаў тканіны.
Кожны выраб, створаны майстрам, — гэта вынік крапатлівай працы, у якой пераплятаюцца старадаўнія тэхнікі і сучасныя ідэі.
Марына Віктараўна старанна падбірае колеры і ўзоры, каб кожны ходнік стаў не проста прадметам інтэр’ера, а сапраўдным творам мастацтва, які адлюстроўвае беларускую культуру.
Беларускае рамяство працягвае жыць, дзякуючы такім людзям, як Марына Віктараўна. Яе адданасць справе натхняе многіх, і дзякуючы ёй традыцыйнае мастацтва набывае новае жыццё, захоўваючы сувязь паміж пакаленнямі.