Аграгарадок Баруны ў чарговы раз даказаў, што ўмее святкаваць з размахам, густам і шчырай беларускай гасціннасцю. Мясцовы Сельскі клуб стаў цэнтрам прыцягнення для ўсіх жыхароў і гасцей ваколіцы, бо тут прайшло адметнае і каларытнае мерапрыемства «Бульба-смак», якое сёлета аб’ядналі з тэатралізаванай праграмай «Вяселле ў маёй вёсцы».

Госці мерапрыемства змаглі не толькі пабачыць кулінарнае багацце Барунскага краю, але і прадэгуставаць традыцыйныя прысмакі: Пышныя і хрумсткія дранікі, якія смажыліся адразу на месцы, сакавітыя калдуны і бульбу ў кішцы, хлапунцы, прыгатаваныя па старадаўніх рэцэптах.

Свята «Бульба-смак» у Барунах пакінула пасля сябе вельмі цёплы і прыемны паслясмак і нагадала ўсім, як важна збірацца разам і ўмець радавацца простым рэчам: добрай песні, смачнай страве і шчырай размове. Наперадзе зіма, але з такім запасам энергіі, пазітыву і, безумоўна, бульбы, барунцам ніякія халады не страшныя!