Ашмянскі край багаты на таленты! Валянціна Горыд, загадчыца філіяла «Сельскі клуб в. Будзёнаўка», не толькі аддана працуе, але і выдатна гатуе. Яе хатні сыр стаў сапраўднай візітнай карткай Ашмянскага раёна.
Захоўвайце просты і правераны рэцэпт гэтага далікатнага пачастунку:

Інгрэдыенты:

• Малако (3,2%) — 1 л
• Смятана (20%) — 200 мл
• Яйкі — 3 шт.
• Соль — 1 ч.л.
• Кмен або зеляніна — па гусце

Прыгатаванне:

1. У каструлю з тоўстым дном наліце малако, пасаліце і давядзіце амаль да кіпення.
2. Асобна ўзбіце яйкі са смятанай (не вельмі моцна) і тонкім струменьчыкам увядзіце ў гарачае малако, пастаянна памешваючы.
3. Гатуйце на павольным агні 7–8 хвілін, пакуль не аддзеліцца сыроватка і не з’явяцца буйныя шматкі.
4. Адкіньце масу на марлю, дайце сцячы вадкасці (тут можна дадаць кмен).
5. Трохі астудзіце, добра адцісніце, пакладзіце пад гнёт і пакіньце ў лядоўні на 6–8 гадзін.
   Смачны хатні сыр гатовы! Прыемнага апетыту!